വിവാഹിതര്ക്ക് ഇത് വിനോദങ്ങള്ക്കുള്ള വാരമാണ്. പങ്കാളിക്ക് നിങ്ങളെക്കുറിച്ച് അഭിമാനമുണ്ടാകും. നിങ്ങളുടെ പരിചരണവും സ്നേഹവും അവരില് മതിപ്പുളവാക്കും.
മംഗളകര്മ്മങ്ങള്, കുട്ടികളൂടെ അസൂയാര്ഹമായ നേട്ടം എന്നിവയാല് ഗൃഹാന്തരീക്ഷം വളരെ ഉല്ലാസ ഭരിതമായിരിക്കും. കുട്ടികള്ക്ക് മുതിര്ന്നവരില് നിന്നും ലഭിക്കുന്ന പ്രോത്സാഹനം വീണ്ടും വിജയങ്ങള് കീഴടക്കാന് പ്രചോദനം നല്കും. അതിനാല് മുതിര്ന്നവര് എപ്പോഴും അവര്ക്ക് ഒരു തുണയാകണം .
ഈ വാരം വളരെക്കാലമായി മാറ്റിവച്ചിരുന്ന പര്യടനത്തിന് പോകാന് അവസരം അനുകൂലമായി വരുന്നതാണ്. ആ യാത്ര നിങ്ങള്ക്ക് തൊഴില്പരമായി വലിയ ലാഭമുണ്ടാകുന്നതുമായിരിക്കും. ബുദ്ധിപൂര്വ്വം പദ്ധതികള് ആവിഷ്ക്കരിക്കയാണെങ്കില് വേണ്ടപ്പെട്ടവരെയും കൂടെ കൊണ്ടുപോകാനും അത് തൊഴിലിനോടൊപ്പം ഒരു വിനോദയാത്രയായി മാറ്റാവുന്നതാണ്
അനുകൂലമായ വലിയ മാറ്റങ്ങള് നിങ്ങളുടെ ബിസിനസ്സില് ഉണ്ടാകാന് സാധ്യതയുണ്ട്. പല നൂതനമായ ആശയങ്ങളും ആവേശപൂര്വ്വം നടപ്പിലാക്കുവാന് നിങ്ങള് ആഗ്രഹിക്കും. ധൈര്യപൂര്വ്വം മുന്നോട്ടിറങ്ങുക.
റിയല് എസ്റ്റേറ്റ്, കെട്ടിട നിര്മ്മാണം എന്നീ മേഖലകളില് പ്രവര്ത്തിക്കുന്നവര്ക്ക് അനുകൂല സമയം. കുറച്ചു കാലമായി കാത്തിരുന്ന ചില ഇടപാടുകള് ഈ വാരം നടക്കാനിടയുണ്ട്. അവ അഘോഷങ്ങള്ക്കും, ആനന്ദത്തിനും കാരണമാകും.
അദ്ധ്യാപകര്ക്ക് അഭിമാനിക്കാവുന്ന വാരമാണ് ഇത്. അംഗികാരവും സമ്മാനങ്ങളും നിങ്ങളെത്തേടി വരുന്നുണ്ട്. കൂടാതെ പ്രൊമോഷനും.
ധനപരമായി വാരം വളരെ അനുകൂലമായിരിക്കും. ധനം സംബന്ധിച്ച് പ്രയാസപ്പെടേണ്ട കാര്യമില്ല.
ആഴ്ചയിലെ നല്ല ദിവസങ്ങള് 25, 29
|
Offers
