റൊമിയോ ജൂലിയറ്റ് ജോടികള്‍ക്ക് അപ്രതീക്ഷിത സന്തോഷമുണ്ടാവുന്ന വാരം. നിങ്ങളുടെ പ്രണയ കാര്യം അറിഞ്ഞാല്‍ വേണ്ടപ്പെട്ടവരുടെ പ്രതികരണം എന്താവുമെന്ന പേടിയുണ്ടാകും. പേടിക്കണ്ട. ഈ വാരം അത് അറിയിക്കാന്‍ ഉത്തമമാണ്. ധൈര്യമായി അറിയിക്കൂ. പ്രതികരണം വളരെ അനുകൂലമായിരിക്കും.
മുതിര്‍ന്നവരും മാതാപിതാക്കളും ആവേശകരമായ വാര്‍ത്തകള്‍ കൊണ്ടുവരും. വളരെ അകലെ താമസിച്ചിരുന്ന ഇവര്‍ തമ്മില്‍ ഒരു കൂടിച്ചേരലിന് സാധ്യതയുണ്ട്. അത് കഴിയുന്നതും ഒരാഘോഷമാക്കുക. ഇങ്ങനെയൊരു രംഗം കാണാന്‍ ചിലപ്പോള്‍ വളരെക്കാലമെടുത്തൂയെന്നു വരും.
ചെറുപ്പക്കാരും കുട്ടികളും ഈ വാരം കൂടുതല്‍ ശ്രദ്ധിക്കുന്നത് നന്ന്. സാധിക്കാത്തത് ചെയ്യാന്‍ ശ്രമിക്കരുത്. അപകട സാധ്യത ഒളിഞ്ഞിരിക്കുന്ന വാരമാണ്. അതിനാല്‍ കഴിയുന്നതും വാഹനം ഉപയോഗിക്കാതിരിക്കാനും ശ്രമിക്കുക.
ബിസിനസ്സുകാര്‍ മാര്‍ക്കറ്റില്‍ സംഭവിക്കുന്നത് സശ്രദ്ധം വീക്ഷിക്കേണ്ട സമയമാണ് ഇത്. വാരം നിങ്ങള്‍ക്കനുകൂലമല്ല. ചെറിയ പ്രശ്‌നങ്ങള്‍ ഉണ്ടാകാനിടയുണ്ട്. രണ്ടു വട്ടം ആലോചിക്കാതെ പുതിയ സംരംഭങ്ങളിലൊന്നും ഇടപെടരുത്.
. വിദ്ധ്യാര്‍ത്ഥികള്‍ ഈ വാരം ശരിക്കും പ്രയോജനപ്പെടുത്തേണ്ടതാണ്. പഠനപരമായ കാര്യങ്ങളിലെ സംശയവും തടസ്സവും മാറ്റിത്തരാന്‍ അദ്ധ്യാപകര്‍ മാത്രമല്ല കുടുംബാംഗങ്ങളുടേയും സഹായ സഹകരണങ്ങള്‍ നിങ്ങള്‍ക്ക് ലഭിക്കും.
ഈ വാരം അദ്ധ്യാപകര്‍ക്ക് വളരെ ശ്രമകരമായിരിക്കും. വിദ്ധ്യാര്‍ത്ഥികളുടെ ശ്രദ്ധ മറ്റു പലതിലുമാണ്.
കായികാഭ്യാസികളെ സംബന്ധിച്ചിടത്തോളം ഇത് മത്സരങ്ങളുടെ വാരമാണ്. അവര്‍ അവരുടെ കരുത്തും കഴിവും ധൈര്യവും തെളിയിക്കും. കഴിഞ്ഞ കാലങ്ങളില്‍ അകന്നു നിന്നിരുന്ന വിജയം അവരെത്തേടിയെത്തും.
ആഴ്ചയിലെ നല്ല ദിവസങ്ങള്‍ 20, 24
|
Offers
