16
Wednesday
August 2017

ജ്യോതിഷം

  • Rahukalam : 12:29 pm->02:02 pm
  • Sunset : 06:43 pm
  • Sunrise : 06:16 am
  • 31 Karkata 1192
  • ഭാരതീയ ധര്‍മ്മം


    ഭാരതീയ ധര്‍മ്മം

    എന്താണ് ഭാരതീയ ധര്‍മ്മം? അങ്ങനെ ഒരു ചോദ്യം വന്നാല്‍ എന്ത് ഉത്തരം പറയും. ആരാണ് ഉത്തരം പറയേണ്ടവര്‍? എല്ലാവരും പറയണ്ടേ, വേണം. എന്നാല്‍ ധര്‍മ്മ ശാസ്ത്ര ഗ്രന്ഥങ്ങളുടെ വായന കുറഞ്ഞിരിക്കുന്ന ഈ കാലത്ത് ന്യായ മായും പല ഉത്തരങ്ങള്‍ പ്രതീക്ഷിക്കാം.

    സാധാരണക്കാരനെ ചിന്തിച്ചാല്‍, ജലാശയ നിര്‍മ്മാണവും, വൃക്ഷലതാതികള്‍ നട്ടു വളര്‍ത്തുകയുമാണ് ധര്‍മ്മവും മോക്ഷ മാര്‍ഗ്ഗവും. ''വാപീ കൂപ തടാഗാനി, ദേവതാ യത നാനീ ച, അന്ന പ്രദാന, ആരാമ പൂര്‍ത്ത ഇത്യമഭീധീയതെ'' എന്നതാണ് പ്രമാണം. ''ഇഷ്ടാപൂര്ത്തം'' എന്ന ഒറ്റവാക്ക് കൊണ്ട് പറയുന്ന ധര്‍മ്മാചരണം ആണിവ.

    കുളം, കിണര്‍, തടാകം,വനം എന്നിവ മോശമായി കിടന്നാല്‍ അവയെ പുനരുദ്ധരിച്ചാലും, മോക്ഷം ലഭിക്കുന്നു. സത്യത്തില്‍ ഈ സത്യം അറിയാത്തതും, അവയെ നശിപ്പിക്കുന്നതില്‍ ഒരു പങ്കു വഹിക്കുന്നു. അതുകൊണ്ട് ഇക്കാര്യത്തില്‍ ജനങ്ങളെ ബോധാവല്ക്കരിക്കുക എന്നത് ഓരോ ഭാരതീയന്റെയും കടമയാണ്. ഈ കടമ ഓരോ ഗൃഹ നാഥനും ചെയ്യുകയാണ് എങ്കില്‍, ജീവിത കഷ്ടപ്പാട് ഒരളവില്‍ കുറയും എന്നതില്‍ സംശയം ഇല്ല.

    ജീവിതത്തില്‍ ഒരു പ്രാവശ്യം എങ്കിലും, ഒരു ജലാശയം നിര്‍മ്മിക്കുകയും, അതിലെ ജലം ജീവികള്‍ ദാഹം തീര്‍ക്കുന്നിടത്തോളം കാലം, അത് നിര്‍മ്മിച്ച ആള്‍ക്കും അതിന്റെ മുകളിലെ ഏഴു തലമുറകള്‍ക്കും സല്‍ഗതി ഉണ്ടാവും എന്നതും ധര്‍മ്മശാസ്ത്രത്തില്‍ പറയുന്നു. ഇന്ന് പിതൃക്കള്‍ക്ക് വേണ്ടി എന്തെല്ലാം കര്‍മ്മങ്ങള്‍ നാം ചെയ്യുന്നുണ്ട്. ഒന്ന് മനസ്സിരുത്തിയാല്‍ ഇതും നമ്മള്‍ക്ക് ചെയ്യാവുന്നതെ ഉള്ളു. അതുവഴി പിതൃക്കളുടെ എങ്കിലും സല്ഗതി നമുക്ക് ഉറപ്പിക്കാം.

    ഇക്കാര്യത്തില്‍ ശിവ പത്‌നി ശ്രീ പാര്‍വ്വതി പറയുന്നത് ശ്രദ്ധിക്കൂ. ''ധന സമ്പാദനത്തില്‍ അസമര്‍ദ്ധന്മാരും, ധര്‍മ്മ ആചരണത്തില്‍ ശ്രദ്ധയില്ലാത്തതും ആയ കുറെ കുട്ടികളുടെ അമ്മയായി ഇരിക്കുന്നതിലും എത്രയോ മഹത്തരം ആണ്, വഴിയോരത്ത് തണലേകാന്‍ ഒരു മരം നട്ടു പിടിപ്പിക്കുന്നത്, എന്ന്.
    തീര്‍ന്നില്ല,
    പത്തു കിണര്‍ കുഴിക്കുന്നതിന്റെ പുണ്യം ഉണ്ട് ഒരു കുളം കുഴിച്ചാല്‍. പത്തു കുളം കുഴിച്ച പുണ്യം കിട്ടാന്‍ ഒരു തടാകം നിര്‍മ്മിച്ചാല്‍ മതിയാവും. പത്തു തടാകം നിര്മ്മിക്കുന്നതിന്റെ തുല്യമായ പുണ്യ മാന്, സല്‍ക്കര്‍മ്മ നിരതനായ ഒരു പുത്രന് ജന്മം കൊടുക്കല്‍. പത്തു സല്പുത്രന്മാരെ ജനിപ്പിക്കുന്നതിന് തുല്യമാണ് ഒരു മരം നട്ടു വളര്‍ത്തുന്നത്. എന്നും വികാര ഭരിതയായി പാര്‍വതി പറഞ്ഞു.ഇതില്‍ നിന്നും നമ്മടെ ധര്‍മ്മ ആചരണത്തിന്റെ പ്രാധാന്യം മനസ്സില്‍ ആക്കി നാം ഓരോരുത്തരും പ്രവര്‍ത്തിക്കേണ്ട കാലം കഴിഞ്ഞു.

    അരയാല്‍ ഒന്ന്, ഞാവല്‍ ഒന്ന്, പേരാല്‍ ഒന്ന്, പുളിമരം പത്ത്, പ്ലാവ് ഒന്ന്, കൂവളവും നെല്ലിയും രണ്ടു വീതം, പുളിമാവു അഞ്ചു, ഇങ്ങനെ 23 വിധം മരങ്ങള്‍ നട്ടു വളര്‍ത്തുന്ന ആള്‍ക്ക് നരകത്തില്‍ പോകേണ്ടിവരില്ല. സത്യത്തില്‍ വളരെ നിസ്സാരമായി നമ്മള്‍ക്ക് ചെയ്യാവുന്ന ഒന്നല്ലേ ഇത്. പക്ഷെ നമുക്കു സമയം ഇല്ലല്ലോ? എന്ന് ലഭിക്കുമോ ആവോ?

    ഭരത എന്നതിന് അഗ്‌നി എന്നര്‍ഥം. അതായത് യാഗങ്ങളുടെയും യന്ജങ്ങളുടെയും നാടാണ് ഭാരതം. ലോകോത്തരമായ ഒരു സംസ്‌കാരം ആണ് ഭാരതത്തിന് ഉള്ളത്. അങ്ങനെ ഒരു മഹത്വം ഭാരതത്തിന് ലഭിച്ചത്, മേല്‍ വിവരിച്ച തരത്തിലുള്ള ധര്‍മ്മ ആചരണങ്ങള്‍ ഉണ്ടായിരുന്നത് കൊണ്ടാണ് എന്നും മറക്കരുത് ഓരോ ഭാരതീയനും.

    ഇതെല്ലാം മറന്നു, ഗ്രഹങ്ങളുടെ ഗോചര അവസ്ഥമൂലം തന്റെ ജാതക അവസ്ഥ മനസ്സിലാക്കാന്‍, ജ്യോതിഷത്തിന്റെ പുറകെ പോകുന്നവര്‍, തന്റെ ഇടത്തെ തോളിലെ ഭാരം വലത്തെ തോളിലേക്ക് മാറ്റി എന്ന് മാത്രമേ ചെയ്യുന്നുള്ളൂ. മാറ്റം പ്രപഞ്ച നിയമം ആണ്.ഇന്നുമുതല്‍ നമുക്കും മാറാം. ഒരു നല്ല പിന്‍ തലമുറയ്ക്ക് വേണ്ടി ...............

    രുദ്രശങ്കരന്‍
    ഫോണ്‍: 9061591290
    rudrashankaran@gmail.com

    Print
    SocialTwist Tell-a-Friend
    The views and opinions expressed in this article or comments on this site are those of the speakers or authors and do not necessarily reflect or represent the views and opinions held by Mathrubhumi Printing & Publishing Co. Ltd. or Astro-Vision Futuretech Pvt Ltd.

    Other stories