ചെറുപ്പക്കാരെയും കുട്ടികളെയും കുറച്ച് കൂടുതല്‍ ശ്രദ്ധിക്കുന്നത് നന്ന്. അവരെ സംബന്ധിച്ചിടത്തോളം പ്രക്ഷുബ്ദമായ ഒരു വാരമാണ് ഇത്. അവരെ കഴിയുന്നതും ഈ വാരം വീട്ടിന് പുറത്തു പോകാന്‍ അനുവദിക്കരുത്. സൂക്ഷിച്ചാല്‍ ദുഃഖിക്കേണ്ട.
തൊഴില്‍പരമായ യാത്രക്ക് ആവശ്യമുള്ളതെല്ലാം ഒരുക്കേണ്ട സമയമാണ്. ഗ്രഹങ്ങളുടെ അനുഗ്രഹം ഉണ്ടാകും. അതിനാല്‍ നിങ്ങളുടെ ദൗത്യത്തിന്റെ കാര്യത്തില്‍ രണ്ടാമതൊന്ന് ആലോചിക്കേണ്ട ആവശ്യമില്ല. നിങ്ങള്‍ പ്രതീക്ഷിച്ചപോലെ തന്നെ കാര്യങ്ങള്‍ നടക്കും.
വ്യാപാരം, വ്യവസായം തുടങ്ങിയ മേഖലകളില്‍ പ്രവര്‍ത്തിക്കുന്നവര്‍ക്ക് അപ്രതീക്ഷിതവും സന്തോഷം പകരുന്നതുമായ വാര്‍ത്തകള്‍ ലഭിക്കും. ആവേശം പകരുന്ന വലിയ മാറ്റങ്ങള്‍ ബിസിനസ്സില്‍ ഉണ്ടകും.
ഈ വാരം ഡോക്ടേഴ്‌സിന് വളരെ തിരക്ക് കൂടിയിരിക്കും. എത്ര ദീര്‍ഘ സമയം ജോലിയെടുത്താലും അതില്‍ നിങ്ങള്‍ക്ക് പരാതിയുണ്ടാവില്ലായെന്നു മാത്രമല്ല നിങ്ങള്‍ വളരെ സന്തോഷത്തോടെയായിരിക്കും സേവനം ചെയ്യുന്നതും. നിങ്ങളുടെ ശ്രമങ്ങള്‍ക്ക് തീര്‍ച്ചയായും അംഗീകാരവും സമ്മാനങ്ങളും ലഭിക്കും.
വിദ്ധ്യാര്‍ത്ഥികള്‍ക്ക് വാരം അനുകൂലമല്ല. അദ്ധ്യാപകര്‍ക്കും മാതാപിതാക്കള്‍ക്കും നിങ്ങളുടെ പഠന കാര്യത്തില്‍ തുപ്തിയുണ്ടാകില്ല.
അഭിനയം, സംഗീതം, കല എന്നീ മേഖലയില്‍ പ്രവര്‍ത്തിക്കുന്നവര്‍ ഈ വാരം കരാറുകളില്‍ ഏര്‍പ്പെടുന്നതിന് മുമ്പ് അതിനെപ്പറ്റി കൂടുതലായി അന്വേഷിച്ചറിയണം. ചിലപ്പോള്‍ നല്ലതിനായിരിക്കാം. എങ്കിലും രണ്ടാമതൊന്നുകൂടി ആലോചിക്കുന്നതില്‍ തെറ്റില്ല.
ആത്മവിശ്വാസം കൂടുതലുള്ള നിങ്ങള്‍ക്ക് ആരോഗ്യ കാര്യത്തിലും സന്തോഷിക്കാം. ചെറിയ പ്രശ്‌നങ്ങളൊന്നും കണക്കിലെടുക്കേണ്ടതില്ല.
ആഴ്ചയിലെ നല്ല ദിവസങ്ങള്‍ 22, 23
|
Offers
