മുതിര്‍ന്നവരും മാതാപിതാക്കളും ആവേശകരമായ വാര്‍ത്തകള്‍ കൊണ്ടുവരും. വളരെ അകലെ താമസിച്ചിരുന്ന ഇവര്‍ തമ്മില്‍ ഒരു കൂടിച്ചേരലിന് സാധ്യതയുണ്ട്. അത് കഴിയുന്നതും ഒരാഘോഷമാക്കുക. ഇങ്ങനെയൊരു രംഗം കാണാന്‍ ചിലപ്പോള്‍ വളരെക്കാലമെടുത്തൂയെന്നു വരും.
ചെറുപ്പക്കാരും കുട്ടികളും ഈ വാരം കൂടുതല്‍ ശ്രദ്ധിക്കുന്നത് നന്ന്. സാധിക്കാത്തത് ചെയ്യാന്‍ ശ്രമിക്കരുത്. അപകട സാധ്യത ഒളിഞ്ഞിരിക്കുന്ന വാരമാണ്. അതിനാല്‍ കഴിയുന്നതും വാഹനം ഉപയോഗിക്കാതിരിക്കാനും ശ്രമിക്കുക.
തൊഴിലന്വേഷകര്‍ക്ക് വാരം അനുകൂലമായിരിക്കില്ല. അവരുടെ തൊഴിലിനു വേണ്ടിയുള്ള ശ്രമങ്ങള്‍ക്ക് വിപരീത ഫലമായിരിക്കും ലഭിക്കുക. നിരാശപ്പെടേണ്ട ആവശ്യമില്ല. വരും വാരങ്ങള്‍ നിങ്ങളുടേതായിരിക്കും.
ബിസിനസ്സുകാര്‍ മാര്‍ക്കറ്റില്‍ സംഭവിക്കുന്നത് സശ്രദ്ധം വീക്ഷിക്കേണ്ട സമയമാണ് ഇത്. വാരം നിങ്ങള്‍ക്കനുകൂലമല്ല. ചെറിയ പ്രശ്‌നങ്ങള്‍ ഉണ്ടാകാനിടയുണ്ട്. രണ്ടു വട്ടം ആലോചിക്കാതെ പുതിയ സംരംഭങ്ങളിലൊന്നും ഇടപെടരുത്.
. വിദ്ധ്യാര്‍ത്ഥികള്‍ ഈ വാരം ശരിക്കും പ്രയോജനപ്പെടുത്തേണ്ടതാണ്. പഠനപരമായ കാര്യങ്ങളിലെ സംശയവും തടസ്സവും മാറ്റിത്തരാന്‍ അദ്ധ്യാപകര്‍ മാത്രമല്ല കുടുംബാംഗങ്ങളുടേയും സഹായ സഹകരണങ്ങള്‍ നിങ്ങള്‍ക്ക് ലഭിക്കും.
ഈ വാരം അദ്ധ്യാപകര്‍ക്ക് വളരെ ശ്രമകരമായിരിക്കും. വിദ്ധ്യാര്‍ത്ഥികളുടെ ശ്രദ്ധ മറ്റു പലതിലുമാണ്.
കായികാഭ്യാസികളെ സംബന്ധിച്ചിടത്തോളം ഇത് മത്സരങ്ങളുടെ വാരമാണ്. അവര്‍ അവരുടെ കരുത്തും കഴിവും ധൈര്യവും തെളിയിക്കും. കഴിഞ്ഞ കാലങ്ങളില്‍ അകന്നു നിന്നിരുന്ന വിജയം അവരെത്തേടിയെത്തും.
നിങ്ങള്‍ തികച്ചും ആരോഗ്യവാനാണ്. ഒരു മാറ്റവും ഒന്നിലും വരുത്തേണ്ടതില്ല.
ആഴ്ചയിലെ നല്ല ദിവസങ്ങള്‍ 30, 3
|
Offers
